• Call Us : 90030 35559 , 98424 50963
Editor's Page

சதுரங்க வேட்டை...!!

பண்டைய காலத்தின் ஆடுபுலி ஆட்டம் சதுரங்க ஆட்டமாக மாறிவிட்டது..!! சென்னையில் மட்டுமே செயல்பட்டு வந்த பல MSO-க்கள் இன்று தமிழகத்தில் பல இடங்ளுக்கு தனது சிக்னலை கொண்டு சென்றுள்ளது. அதற்க்கு பல கோடி ருபாய் முதலீடையும் செய்துள்ளது... ஒவ்வொரு நிறுவனத்திற்கும் இடையில் கடுமையான போட்டி நிலவி வருகிறது. செட் டாப் பாக்ஸ் விலை முதல் பேக்கேஜ் விலை வரை போட்டியின் காரணமாக மலிவு விலையிலும் இலவசமாகவும் கொடுத்து வருகிறார்கள்...!

வருங்காலத்தில் நிறுவனங்கள் ஆப்ரேட்டர்களின் காசு கொடுத்து இணைப்பு எடுக்க சொன்னாலும் ஆச்சர்ய படுவதற்கில்லை. இதை மைய படுத்திய கடந்த மாத இதழில் குளிர வைக்கும் பேக்கேஜ் விலை என வெளியிட்டோம்... பேக்கேஜ் விலை குறைப்பிற்கு போட்டிகள் மட்டுமின்றி வரவிருக்கும் TARIFF ORDER ம் ஒரு முக்கிய காரணமாக இருக்கலாம்...!! இது போன்ற சாதகங்கள் ஒரு புறம் இருந்தாலும், LCO க்கள் என சொல்லப்படும் கடைநிலை ஆப்ரேட்டர்களுக்கு சில பாதிப்புகளும் உள்ளது.

இன்று ஒவ்வொரு MSO\க்களும் டிஜிட்டல் உரிமம் பெற செலவு செய்த தொகை முதல் கட்டுப்பாட்டறை, செட் டாப் பாக்ஸ் கொள்முதல், பேண்ட்வித், சேனல்கள் கட்டணம் என அனைத்தும் சேர்ந்து பல கோடி முதலீட்டை எட்டுகிறது. அந்த பல கோடி ருபாய் லாபம் என்பது சாதாரண விஷயம் அல்ல. கூட்டுறவு முறையிலும் தனி முதலீலைகளும் இதை முதலீடு செய்துள்ளார்கள். கூட்டுறவு முறையில் செயல்படும் MSO-க்கள் ஆப்ரேட்டர்களின் முதலீட்டை கொண்டுள்ளது. இதன் அடிப்படையில் பெரும் வணிகம் செய்து குறுகிய காலத்தில் அதிக லாபம் ஈட்ட அனைத்து நிறுவனங்கள் கங்கணம் கட்டி கொண்டு வருகிறது. ஆப்ரேட்டர்களை நேரில் சந்தித்து கூட்டம் நடத்தி, பல்வேறு விஷயங்களை செய்து தருவோம் என வாக்குறுதி கொடுத்து இந்த சந்தை நடந்தேறி வருகிறது.

இது இப்படி தான் நடக்கும், அதில் எந்த மாற்று கருதும் இல்லை. மத்திய அரசின் டிஜிட்டல் அமலாக்கம் என்கிற திட்டத்தை செயல்படுத்த ஒரு களம் வேண்டும். அந்த களம் இப்படி தான் இருக்கும்.

சாதகங்கள்:

நிறுவனங்கள் அனைவரும் பெரும் முதலீடு செய்து செயல்பட்டு வருவதால், டிஜிட்டல் சிக்னல் பெறுவதற்கு ஒரு ஆப்ரேட்டருக்கு தங்கள் நிறுவனத்தை தேர்வு செய்யும் வாய்ப்பு கிடைக்கிறது. தொழில்நுட்ப ரீதியாகவும், கொள்கை ரீதியாகவும், வணிக ரீதியாகவும், சட்ட றெதியாகவும் தங்களுக்கு பாத்தியப்பட்ட நிறுவனத்துடன் இனைந்து தொழில் செய்ய ஒரு கேபிள் டிவி ஆப்ரேட்டருக்கு வாய்ப்புகள் உள்ளது. மத்திய அரசின் டிஜிட்டல் அமலாக்கத்தின் மூலம் தனது வாடிக்கையாளர்களுக்கு டிஜிட்டல் கேபிள் டிவி சிக்னல் விநியோகம் செய்திட முடியும். நீண்ட நாட்களாக கேபிள் டிவி ஆப்ரேட்டர்களுக்கு போட்டியாக இருந்து வந்த DTH நிறுவங்களிடம் இருந்து எளிமையாக வாடிக்கையாளர்களை தக்க வைத்து கொள்ள முடியும். DTH தரத்தை விட மிக எளிமையாக மற்றும் தரமான ஒரு டிவி ஒளிபரப்பு சேவையை தர முடியும். டிஜிட்டல் கேபிள் டிவி மூலம் வருங்கால தொழில்நுட்பங்களை தகவமைத்து கொள்ள முடியும். மதிப்பு கூட்டு சேவைகள் மற்றும் இன்டர்நெட் ஆன் டிமாண்ட் சேவைகள் அனைத்து கண்ணாடி இளை (OFC) வடங்களை மையப்படுத்தி தான் அமைகிறது. டிஜிட்டல் கேபிள் டிவி கட்டமைப்பை சரியாக பராமரிக்கும் பட்சத்தில் வருங்கால தொழில்நுட்பங்களை எளிமையாக கையாள முடியும். வாடிக்கையாளர்களை எளிமையாக கையாள முடியும். வெளிப்படையான மற்றும் முறையான வணிகத்தை மேற்கொள்ள முடியும்.

பாதகங்கள்:

இன்று கொள்கை ரீதியாக ஒவ்வொரு நிறுவனமும் ஒவ்வொரு வணிகத்தை மேற்கொண்டுள்ளது. அரசு கேபிள் டிவி விலையில்லா செட் டாப் பாக்ஸ் வழங்கி வருகிறது. ஆனால் மற்ற நிறுவங்களிடம் ஒப்பிடுகையில் பேக்கேஜ் விலை அதிகமாக உள்ளது என்பது பரவலான கருத்து. மற்ற தனியார் நிறுவனங்கள் இலவச பாக்ஸ் அல்லது மலிவு விலையில் பாக்ஸ், கிராமத்திற்கு மலிவு விலையில் பேக்கேஜ் என பல்வேறு சலுகைகளை வழங்கி வருகிறது. ஒரு சில நிறுவனங்கள் ஒப்பந்தம் செய்தும் சில நிறுவனங்கள் வாய் மொழி உதிரவத்தின் அடிப்படையிலும் தொழில் செய்கிறது. ஆபரேட்டர்கள் மத்தியில் நிலவும் அறியாமையை பயன்படுத்தி கொண்டு தங்கள் நிறுவனத்தின் விரிவாக்கத்தை பல நிறுவனங்கள் செய்து வருகிறது. தான் கையெழுத்து போட்ட காகிதங்களில் என்ன ஷரத்துக்கள் உள்ளது என்றே தெரியாமல் வணிகத்தை ஆபரேட்டர்கள் தொடங்குகிறார்கள். அந்த நிறுவனத்துடன் ஏதேனும் முரண்பாடு ஏற்படும் போதோ, வேறு நிறுவனம் கூடதுல் சலுகை தரும் போதோ ஒரு ஆபரேட்டர் தனது சிக்னலை மாற்றுவார். அப்போது தான் பிரச்சனை எழுகிறது. மேலும், நிறுவனங்கள் நேரடியாக செயல்படுவதை தாண்டி பகுதி வாரியாக விநியோகஸ்தர் நியமனம் செய்கிறது. அந்த விநியோகஸ்தர் கூடுதல் லாபம் ஈட்ட தனது நிறுவனத்தின் சிக்னலை பெற்று கொள்ள வேண்டும் என ஆப்ரேட்டர்களை வற்புத்துகிறார். அதற்க்கு அந்த குறிப்பிட்ட ஆபரேட்டர் இணங்க வில்லை எனில், அவர் பகுதியில் புதிய ஆப்ரேட்டர்களை உருவாக்குகிறார். போட்டிக்காக இவ்வாறு புதிய ஆபரேட்டர் உருவாகுவதை சட்ட ரீதியாக ஆலோசித்தால் பல்வேறு முரண்பாடுகள் உள்ளது. இன்று தமிகத்தில் உள்ள பல்வேறு சங்கங்கள் சட்ட ரீதியாக போராடி வருகிறது. கூட்டமைப்பு சார்பிலும் புதிய ஆபரேட்டர் உருவாக்கும் கலாச்சாரத்திற்கு எதிராக குரல் கொடுத்து வருகிறார்கள். நேரடியாக -- க்களை சந்தித்தும் பேச்சு வார்த்தைகள் நடைபெற்றது. ஆனாலும் தொழில்போட்டியின் காரணமாக இன்றும் தமிழகத்தில் ஆங்காங்கே புதிய ஆபரேட்டர்கள் உருவாகும் நிலை தொடர்ந்து வருகிறது. இது பல நாட்களாக நடந்து வரும் பிரச்சனை தான் என்ற போதும் இன்று வாட்ஸ் ஆப் தளங்கள் உள்ளதால் இந்த செய்திகள் பலரை எளிமையாய் சென்று சேர்கிறது. விநியோகஸ்தர்களின் போட்டியாலும், நிறுவனங்களின் சதுரங்க வேட்டையிலும் பாதிக்கப்படுவது கேபிள் டிவி ஆபரேட்டர்கள் தான்.

சரி, MSO க்களை எதிர்த்து கேள்வி கேட்கலாமே? அவர்கள் செய்வது தவறு தானே என்று நியாயம் கேட்டு ஆபரேட்டர்கள் குரல் ஒரு பக்கம் எழும். ஆனால், உண்மை என்னவென்றால் கோடி கணக்கில் முதலீடு செய்த நிறுவனம் தங்களது வணிகத்தில் தான்  கவனம் செலுத்தும், அது நிறுவனமாக இருந்தாலும் சரி., கார்ப்பரேட் நிறுவனமாக இருந்தாலும் சரி. அப்படி பார்த்தல் இதை தடுக்க வழியே இல்லையா என்று கேட்டால் சில ஆலோசனைகள் உள்ளது.

முன் எச்சரிக்கை:

அனலாக் காலத்தில் வாய் மொழியாக ஏரியா பிரித்து கொண்டு தொழில் செய்து வந்தோம். ஒரு பாய்ண்ட் இரண்டு பாய்ண்ட் பிரச்சனைகள் தமிழகத்தில் கேபிள் டிவி ஆபரேட்டர்கள் மத்தியில் இன்றும் நிலவுகிறது.இன்று டிஜிட்டல் அமலாக்கம் வந்த பின்னர், முறைபடி இணைப்புகள் கணக்கில் வரும். அனைத்து வீடுகளுக்கும் டிஜிட்டல் செட் டாப் பாக்ஸ் பொருத்திய பின்னர் அனைத்துமே SMS REPORT எனும் அறிக்கையில் வெட்ட வெளிச்சம் தான்.

ஒரு நிறுவனத்திடம் சிக்னல் பெரும் போது INTERCONNECT ஒப்பந்தம் செய்ய வேண்டும். அந்த ஒப்பந்த ஷரத்துக்களை தெளிவாக படித்து தெரிந்து அதில் உள்ள கருத்துகளையும் நிபந்தனைகளையும் தெரிந்து கொண்டு ஒப்பந்தம் செய்ய வேண்டும். அந்த ஒப்பந்தங்களை ஒரு போதும் ஆபரேட்டர்கள் மீற கூடாது, அப்போது தான் சட்ட ரிதியான போராட்டத்தை முன்னெடுக்க முடியும்.

ஒப்பந்தம் செய்து சிக்னல் பெரும் நிறுவனத்தில் செட் டாப் பாக்ஸ் எந்த அடிப்படையில் பெறுகிறீர்கள் என்பதை கவனத்தில் கொள்ள வேண்டும். பெரும்பாலான நிறுவனங்கள் தங்கள் செட் டாப் பாக்ஸ் களை விற்பனை செய்வதில்லை. CONTRACT அடிப்படையில் வாடகைக்கு தான் கொடுக்கிறார்கள். அதன் அடிப்படையில் பார்த்தால் அந்த செட் டாப் பாக்ஸ் உரிமையாளர் அந்த நிறுவனம் தான். அதை பயன்படுத்தும் கஸ்டமர்களோ, வாங்கி விநியோகம் செய்யும் ஆப்ரேட்டர்களோ அதன் உரிமையை எடுத்து கொள்ள முடியாது. இதை தான் -- என்கிற படிவம் மூலம் வாடிக்கையாளர்களுக்கும் தெரியப்படுத்துகிறோம்.

இன்றைய சந்தை நிலவரப்படி ஒரு SD பாக்ஸ் குறைந்த பட்சம் ரூ. 1200/- முதல் ரூ. 1300/- என்ற அடிப்படையில் தான் MSOக்கள் கொள்முதல் செய்கிறார்கள். எண்ணிக்கை பொறுத்து விலை மாற்றம் இருக்கலாம். ஆனால், அதனை ஆப்ரேட்டர்களுக்கு இலவசமாகவோ அல்லது மானிய விலையிலோ கொடுக்கிறார்கள். செட் டாப் பாக்ஸ் விநியோகம் மூலம் ஒரு MSO க்கு லாபம் இல்லை, மாறாக நஷ்டம் தான் ஏற்படுகிறது. எனினும் அதை முதலீடாக கருதி மாத சந்தாவை கணக்கில் கொண்டு வணிகம் செய்கிறார்கள். ஒரு கேபிள் டிவி ஆபரேட்டர் இரு நிறுவனத்தில் இலவசமாகவோ, மானிய விலையிலோ செட் டாப் பாக்ஸ் பெற ஒப்பந்தம் செய்து ஒரு சில மாதங்களில் அந்நிறுவனத்தின் ஒப்பந்தத்தை மீறி வேறு நிறுவனங்களிடம் கை கோர்க்கும் போது அந்த நிறுவனத்திற்கு நஷ்டம் ஏற்படுகிறது. இதனால் அந்த நிறுவனம் போட்டி ஆப்ரேட்டரை உருவாக்க வேண்டிய சூழல் ஏற்படுகிறது. அதனால், ஒரு நிறுவனத்திடம் இணையும் போது முறையாக ஒப்பந்தம் செய்து தெளிவான கொள்கைகளை கலந்தாய்வு செய்து இணைய வேண்டும். ஒரு ஆப்ரேட்டருக்கு தான் விரும்பும் நிறுவனத்துடன் இனைந்து செயல்பட முழு உரிமை உள்ளது. அதே சமயம், அந்நிறுவனத்தில் இருந்து விலக நினைத்தால் சுமுகமாக பேச்சு வார்த்தை நடத்தி. கணக்கு வழக்குகளை நேர் செய்து. செலுத்த வேண்டிய தொகை, திரும்ப தர வேண்டிய செட் டாப் பாக்ஸ் என அனைத்தையும் நேர் செய்து வெளியேறுவதே சரி.

அப்படி செய்தால் எவ்வித பிரச்னையும் ஒரு ஆப்ரேட்டருக்கு வரப்போவதில்லை. அதில் ஒரு கேபிள் டிவி ஆபரேட்டர் கவனமாக இருக்க வேண்டும். இதற்கான முறையான சட்ட ஆலோசனைகளை இன்று பலர் தருகிறார்கள். உங்கள் பகுதியில் இருக்கும் சட்ட ஆலோசகரை அணுகி செயல்பட பரிந்துரைக்கிறோம்.

MSO க்கள் லாபகரமாக செயல்பட்டால் தான் கடை கோடி ஆபரேட்டர்கள் தொழில் சிறக்கும். லோக்கல் கேபிள் டிவி ஆபரேட்டர்கள் நிம்மதியாக தொழில் செய்தால் தான் MSOக்கள் வணிகம் செழிக்கும். இந்த எதார்த்த நிலை அறிந்து போட்டிகளை களைந்து முறையாக தொழில் செய்தால் நமது துறை வளரும்.

குறிப்பு: தமிழகத்தில் 65% மேலாக அனலாக் இணைப்புகள் உள்ளது என்பது குறிப்பிடத்தக்கது. அதனால் அனைத்து நிறுவனங்களுக்குமான சந்தையும் தாராளமாக உள்ளது. தொழில்நுட்பத்தை தகவமைத்து கொண்டு முறையாக தொழில் செய்தால்... நாளை நமதே....!!

இனி வரும் பக்கங்கள் உங்களுக்காக...

என்றும் அன்புடன்,

அன்பு

- என்றும் அன்புடன்,


D அன்பழகன்


ஆசிரியர் / வெளியீட்டாளர்


டிஜிட்டல் மீடியா ரிப்போர்ட்டர்


+91 98421 50963


Subcribe
SUBSCRIBE