• Call Us : 90030 35559 , 98424 50963
சன் டிவி நெட்வொர்க் டிஜிட்டல் OTT தளத்தில் வந்துவிட்டது.

Source : Vikatan சன் டிவி நெட்வொர்க் டிஜிட்டல் OTT தளத்தில் வந்துவிட்டது. SUN NXT என்ற புதிய ஆப் அறிமுகம் செய்யப்பட்டுள்ளது. NETFLIX, HOTSTAR, AMAZON என்றெல்லாம் இதே போன்ற ஆப் இருந்தாலும் SUN TV தரப்பில் இது போன்ற ஆப் வெளியிட்டது கேபிள் துறையில் ஒரு புதிய பார்வையை ஏற்படுத்தியுள்ளது. இது தான் எதிர்காலள் என்ற கூற்று இருந்தாலும். இந்த தளத்தில் கேபிள் ஆப்பரேட்டர்கள் எப்படி பயனிக்க போகிறார்கள் என்பது கேள்விகுறி தான். பெறும்பாலும் இளைஞர்கள் பலர் இந்த சேவையை பயன்படுத்துகிறார்கள். வருங்கால தலைமுறையை அதிகம் கவர்ந்த இந்த தொழில்நுட்பமே வருங்காலத்தில் மிகப்பெறிய வணிகமாக இருக்கும் என நம்பப்படுகிறது. அதற்கேற்ப இந்த SUN NXT ன் ஒருங்கிணைப்பையும் இளம் தலைமுறையிடமே ஒப்படைக்கப்பட்டுள்ளது. திரு. கலாநிதி மாறன் அவர்கள் மகள் காவியா மாறன் அவர்கள் இந்த SUN NXT OTT சேவைகளை பார்த்துக்கொள்வார் என தெரிகிறது. முன்னர் இவர் சன் மியுசிக் மற்றும் சூரியன் FM பிரிவுகளை மேர்பார்வை செய்து வந்ததாகவும் கூறப்படுகிறது. ANDROID TV யில் SUN NXT ஆப் இருந்தால் SUN TV, KTV, சன் மியூசிக மற்றும் சன் நெட்வொர்க்கின் இதர தெலுங்கு, கன்னடம் மற்றும் மலையாளம் சேனல்களை பார்க்க முடியும். தற்போது தந்தி டிவி மற்றும் NEWS 7 இதில் உள்ளது. JIO TV போன்றே இதிலும் பல சேனல்கள் வரலாம் என எதிர்ப்பார்க்க படுகிறது. இது முழுமையாக வந்துவிட்டால் ஒரு டிவிக்கு கேபிள் இணைப்போ, DTH இணைப்போ தேவைப்படாது. அதி வேக இணையதளம் மட்டுமே போதும்.... கேபிள் டிவி ஆப்பரேட்டர்களுக்கு OTT பயன் தருமா.? பயம் தருமா?? விரிவான கட்டுனை அடுத்த இதழில்... கேபிள் டிவியின் எளிமையும், மலிவான விலையையும் கடந்து, டிடிஎச் பலருக்குப் பிடிக்கக் காரணம் அதன் தரமான வீடியோக்கள் தான். குவாலிட்டியான வீடியோக்களை நோக்கி நகர்பவர்களை குறிவைத்து, அமேசான் நிறுவனத்தின் அமேசான் ப்ரைமும், நெட்ஃப்ளிக்ஸும் இந்தியாவில் கால் பதித்து இருக்கிறார்கள். அவர்களின் ஆன்லைன் தளங்களுக்கென பிரத்யே வீடியோக்களையும், தொலைக்காட்சி தொடர்களையும் வெளியிடுகிறார்கள். நெட்ஃப்ளிக்ஸ் ஒருபடி மேலே சென்று, சில புதிய படங்களை தங்கள் வாடிக்கையாளர்களுக்கு என ஒளிபரப்பவும் செய்கிறார்கள். ஸ்டார் தொலைக்காட்சிகளில் வரும் நிகழ்ச்சிகள் , இன்ன பிற சானல்களின் ஆன்லைன் பதிவுகளை மொத்தமாக வெளியிடுகிறது ஹாட் ஸ்டார். இப்போது இந்த டிஜிட்டல் போட்டியில், சன் நெட்வொர்க்கும் இணைந்து இருக்கிறது. சன் டிவியின் தொடங்கிய நாளான ஏப்ரல் 14 அன்று வெளியாக வேண்டிய சன் நெக்ஸ்ட் என்னும் டிஜிட்டல் வெர்ஷன், ஜூன் 9 அன்று கூகுள் பிளே ஸ்டோரில் வெளியாகி இருக்கிறது. சன் குழுமத்தில் இருக்கும் அனைத்து சானல்களும், இந்த தளத்தில் இருக்கிறது. சன் நெக்ஸ்ட்டின் ப்ளஸ், மைனைஸை பார்ப்போம். ப்ளஸ்: தென்னிந்தியாவின் டாப் சானல்களை தன் வசம் சன் குழுமம் பெற்று இருப்பதால் கண்டெண்டுக்கு பஞ்சமில்லை. தமிழைப் பொறுத்தவரை, சன் நெட்வொர்க்குடன், தந்தி தொலைக்காட்சியும், நியூஸ் 7 தொலைக்காட்சியும் தற்போதைக்கு இதில் இருக்கிறது. அந்த சானல்களின் HD வெர்ஷனும் இருக்கிறது. ஆப் மிகவும் எளிமையாகவும், தடையின்றியும் இயங்குகிறது. சன் குழுமம், தன் வசம் வைத்திருக்கும் அனைத்துப் படங்களையும், HD தரத்தில் ப அப்லோடு செய்து இருக்கிறார்கள். இந்த ஆண்டு வெளியான பைரவா , போகன் உட்பட பல படங்களை விளம்பர இடைவேளையின்றி HD தரத்தில் கண்டு ரசிக்கலாம். அதே போல், சீரியல், இன்ன பிற தொடர்களை வரிசைப்படுத்தி, தனி கேட்டகரியில் அப்லோடு செய்திருக்கிறார்கள். அவற்றைத் தேடுவது மிகவும் எளிதாக இருக்கிறது. அதே போல், வீடியோவின் குவாலிட்டி தரத்தையும் நாமே தேர்வு செய்ய முடியும். தொடர்ச்சியாக பயன்படுத்திய போது, ஆப் எங்கும் ஹேங் ஆகவில்லை. குறிப்பாக, இனி தென்னிந்திய மொழிகளின் பல்வேறு படங்களை, வீட்டில் இருந்தபடியே கண்டு ரசிக்கலாம், அதுவும் லீகலாக. . ஒரு அக்கௌன்ட் வைத்து நம்மால், மூன்று லாக் இன் செய்ய முடியும். மைனஸ்: அமேசானின் ப்ரைம் வீடியோக்களில் இருக்கும் முக்கியமான விஷயம். அமேசானின் ப்ரைம் வாடிக்கையாளர்களுக்கு, (வருடத்திற்கு 500ரூ), ப்ரைம் வீடியோ அக்செஸ் கூடுதலாக வழங்கப்படுகிறது.இரண்டாம் ஆண்டில் இருந்து இதன் விலை 900ரூ என சொல்லப்படுகிறது. அதே போல், ஹாட் ஸ்டாரிலும் நாம் பணம் எதுவும் செலவு செய்யாமல், இலவசமாக சில வீடியோக்களை பார்க்க முடியும். ஆனால், சன் நெக்ஸ்ட்டில், நெட் ஃப்ளிக்ஸ் போல உள்ளே நுழைவதற்கே பணம் கட்ட வேண்டும். முதல் மாதம் இலவசம் என சொல்லப்பட்டாலும், முதல் மாதத் தொகையான 50 ரூபாயைக் கட்ட வேண்டும். இதை இரண்டாவது மாதத்திற்கு எடுத்துக் கொள்கிறார்கள். அதே போல், சன் நெக்ஸ்ட் ஆட்டோ ரென்யூவல் மோடில் இயங்குகிறது. டீஃபால்ட்டாகவே, அதன் செட்டிங்க்ஸ் படி, அடுத்த மாதத்தின் போது, உங்கள் கார்டின் இருந்து, பணம் எடுக்கப்பட்டு விடும். நாம் ஆட்டோ ரென்யூவலை கேன்சல் செய்ய தனியாக விண்ணப்பிக்க வேண்டும் என குறிப்பிட்டு இருக்கிறார்கள். (இதைப்பற்றிய விவரங்கள் தெளிவாக இல்லை) ஆப் இன்னும் பல விஷயங்களில் அதன் ஆரம்ப நிலையில் தான் இருக்கிறது. வீடியோக்களுக்கென ஃபாஸ்ட் fwd/backward ஆப்சன்கள் இல்லை.அமேசான், நெட்ப்ளிக்ஸ் போல், சன்னும் சில வீடியோக்களை எக்ஸ்குளூசிவ் என குறிப்பிட்டு இருக்கிறார்கள். ஆனால், அவை என்ன என்பது பற்றிய எந்த விவரமும் இல்லை. அதே போல், நாம் கட்டும் பணத்திற்கு ப்ரீமியம் செர்விஸ் தருவதாக சொல்கிறார்கள்.இவை அனைத்தும் தொலைக்காட்சிகளில் நாம் பார்ப்பது தான். ஆனால், சூப்பர் ப்ரீமியம் கன்டென்ட் என சொல்லப்படும் சில வீடியோக்களுக்கு நாம் தனியாக பணம் கட்ட வேண்டுமாம். விலை: தற்போது மார்க்கெட்டில் இருக்கும் ஆன்லைன் ப்ரொவைடர்களில் சன் நெக்ஸ்ட் தான் விலை குறைவு. நெட்ப்ளிக்ஸ் (மாதம் 500 குறைந்தது), ஹாட் ஸ்டார் (199 மாதம்), அமேசான் ப்ரைம் (ஆண்டு சந்தா மட்டுமே 500 ரூபாய், மாதத் தொகையாக கட்ட முடியாது). சன் நெக்ஸ்ட்டின் விலை இவற்றோடு ஒப்பிட்டால் குறைவு தான் = மாதம் 50ரூ 90 நாட்கள் 130ரூ 365 நாட்கள் 480 ரூ